Adsorpcija, difuzna operacija, koja se zasniva na zadržavanju supstanci iz fluida na površini čvrstog materijala – adsorbata, preko slabih intermolekulskih veza. U vinskoj industriji najčešće upotrebljavani adsorbenti u procesima → filtracije i pročišćavanja → vina su: celuloza i celulozna vlakna, pamuk, infuzorijska zemlja, → aktivni ugalj i dr. Filtracija putem adsorpcije je propuštanje mutnog vina kroz celulozna vlakna, pri čemu se dobija bistro vino. Celulozna vlakna imaju ograničenu adsorptivnu moć i nakon nekog vremena potrebno ih je obnavljati. Upotreba aktivnog uglja zasniva se na njegovoj sposobnosti da adsorbuje bojene i mirisne materije i da ih eliminiše u većoj ili manjoj mjeri iz → šire ili vina. Koristi se u slučajevima kada se u širi, odnosno vinu javi neki nedostatak u pogledu → boje vina ili mirisa.